‘दाल भात तरकारी’को एन्टिबायोटिक खाँदा बोल्ड बनिन् प्रियंका (भिडियो)

कमेडी जनराको फिल्म ‘दाल भात तरकारी’मा समावेश आइटम गीत रिलिज भएको छ । ‘एन्टिबायोटिक खाउँला’ बोलको गीतमा अभिनेत्री प्रियंका कार्की फिचर छिन् । प्रियंकालाई नृत्यमा बोल्ड देखाइएको छ ।

प्रियंकाको साथमा भिडियोभित्र शिवहरी पौडेल, रविन तामाङलाई पनि देख्न सकिन्छ । गीतमा संगीत सम्भुजित बाँस्कोटाको छ भने हरिवंश आचार्यको शब्दमा स्वर मीना निरौलाले भरेकी छिन् । रिकेश गुरुङको एरेञ्ज छ ।

सुदन केसीको निर्देशनमा बनेको फिल्ममा हरिवंश आचार्य, मदनकृष्ण श्रेष्ठ, निरुता सिंह, प्रयिंका कार्की, पुष्प खड्का, आँचल शर्मा, बर्षा राउत लगायत लिड अभिनयमा छन् । बैशाख २० बाट फिल्म प्रदर्शनमा आउँदैछ ।