सुनकाण्डमाथी जात्रै जात्राः हेर्नुहोस् ट्रेलर
हिट फिल्म ‘जात्रा’ सिक्वेल ‘जात्रै जात्रा’को ट्रेलर रिलिज भएको छ । जेठ ३ गतेबाट प्रदर्शनमा आउने फिल्मको शुक्रबार युट्युवमार्फत ट्रेलर रिलिज गरियो ।
सार्वजनिक ट्रेलरमा पछिल्लो एक बर्षदेखी देशमै रहस्यमय रुपमा हराइरहेको सुनकाण्डको कुरा जोडिएको छ । जहाँ सुनको खोजीमा र त्यसको प्राप्तीपछिको सपना बुनेर मुख्य कलाकारहरु दौडिरहेको देखाइएको छ भने खलपात्र बनेका दयाहाङ राई पनि सुनकै खोजीमा छन् ।
प्रदिप भट्टराईको निर्देशनमा बनेको फिल्ममा विपिन कार्की, रविन्द्रसिंह बानियाँ, रविन्द्र झा, बर्षा राउत, दयाहाङ राई लगायत लिड अभिनयमा छन् । मित्र डि गुरुङको सम्पादन रहेको फिल्ममा शिवराज श्रेष्ठको छायाँकन छ । सिंगे लामा र यज्ञेश्वर पौडेलले निर्माण गरेका हुन् ।
