पल र बर्षा स्टारर ‘वीर बिक्रम २’ ट्रेलर रिलिज (भिडियो)

पल शाह र बर्षा शिवाकोटी लिड रोलमा रहेको फिल्म ‘वीर बिक्रम २’ को ट्रेलर रिलिज भएको छ । अर्को महिना अर्थात जेठ ३ बाट प्रदर्शनमा आउने यो फिल्मको बिहिबार राजधानीमा एक कार्यक्रम आयोजना गर्दै निर्माण टिमले ट्रेलर रिलिज गर्यो ।

सार्वजनिक ट्रेलरमा प्रेम, द्वन्द्व, कमेडी र रोदन जोडिएको छ । पल र बर्षा आकर्षक लुक्समा देखिएका छन् । संगसँगै बुद्धि तामाङ र नाजिर हुसैन मुख्यतः फिचर छन् । तीन बर्ष पहिले रिलिज फिल्म ‘वीर बिक्रम’को सिक्वेलमा मिलन चाम्सको निर्देशन छ ।

उल्लेखित कलाकरसँगै विनिषा भण्डारी, मनिष लिम्बु, देशभक्त खनाल, सौरभ शाह, सन्तोष खनाल, मनोज केसी लगायत लिड रोलमा रहेको फिल्मका कार्यकारी निर्माता अर्पण सापकोटा हुन् । निर्देशक चाम्सकै निर्माणमा बनेको फिल्मको कथा प्रदिप भारद्वाजले लेखेका छन् । सम्पादन बनिष शाह र छायाँकन नवराज उप्रेतीको छ ।