सृजना र आँचलसँग अनुपबिक्रमको ‘डबल माया’ !

अभिनेता अनुपबिक्रम शाहि स्टारर गीति भिडियो ‘डबल माया’ सार्वजनिक भएको छ । अनुपले यो गीतको भिडियोमा अभिनेत्री आँचल शर्मा र गायिका सृजना खत्रीसँग ‘डबल माया’ गर्दै भेटिन्छन् ।

शान थापाको निर्देशनमा बनेको भिडियोलाई फिल्मी शैलीमा तयार गरिएको छ । गीतमा स्वर सृजनासँगै मिस्टर आर्जेको छ । आर्जे र सृजनाले ‘र्याप’ सहित यो गीत भिन्न शैलीमा तयार गरेका छन् । संगित मिस्टर आर्जे उर्फ राजेन्द्र भट्टको नै रहँदा शब्द लेखनमा दुबै गायक गायिकाले साझेदारी गरेका छन् ।

भिडियोलाई कुरिनटार आसपासमा छायाँकन गरिँदा क्यामेरा अर्जुन तिवारीले चलाएका छन् । सम्पादन सुप्रिम पराजुलीको तथा कोरियोग्राफी राजिव समरको छ ।