‘वीर बिक्रम २’ पोस्टरः पल र नाजिरसँग बर्षाको रोमान्टिक अबतार
जेठ ३ गतेबाट प्रदर्शनको लागी तयार फिल्म ‘वीर बिक्रम २’को फर्स्टलुक पोस्टर रिलिज भएको छ । सार्वजनिक पोस्टरमा मुख्य कलाकारहरु फिचर छन् । अभिनेता अभिनेत्रीलाई रोमान्टिक अबतारमा प्रस्तुत गरिएको छ ।
चार लिड कलाकार फिचर पोस्टरमा अभिनेत्री बर्षा शिवाकोटीको पछि तीन कलाकार पल शाह, आजिर हुसैन र बुद्धि तामाङलाई देखाइएको छ । निर्माण टिमले एकसाथ ६ पोस्टर रिलिज गरेको हो ।
सार्वजनिक ६ पोस्टरमध्ये दुईमा अभिनेत्री वर्षा सिवाकोटीलाई अभिनेता द्वय पल शाह र नाजिर हुसेनको अंगालोमा रोमान्टिक मुडमा देख्न सकिन्छ । भने, तेस्रो पोस्टरमा तीन स्टार्स खुसी मुद्रामा देखिएका छन् । बाँकी तीन पोस्टरमा पल, नाजिर र वर्षासँगै कलाकार बुद्धि तामाङ पनि देखिएका छन् । फिल्ममा उनी नेगेटिभ रोलमा छन् ।
मिलन चाम्सको निर्देशनमा बनेको फिल्ममा उल्लेखित कलाकारसँगै देशभक्त खनाल, विनिशा भण्डारी, विनोद सुवेदी खत्री, मनिष लिम्बुलगायतका कलाकारहरुको पनि अभिनय छ । फिल्मको कथा प्रदीप भारद्धाजले लेखेका हुन् । सुदिप बराल छायाँकनमा छन् ।
