‘यात्रा’ रिलिजको एक हप्ता हुँदा बाहिरियो सलिन र मलिकाको ‘फ्लाइङ फ्लाइङ’ !
गत शुक्रबारबाट प्रदर्शनमा आएको फिल्म ‘यात्रा’मा समावेश गीत ‘फ्लाइङ फ्लाइङ’ युट्युव रिलिज गरिएको छ । ‘सिचुअस्नल’ गीत भएको कारण निर्माण टिमले प्रचार प्रसारमा यो गीत अघि सारेको थिएन ।
सार्वजनिक गीतमा प्रतिक पौडेलको शब्द संगीत छ भने स्वर सुगम पोखरेल र मेलिना राईको छ । प्रविण सिंहले कोरियोग्राफी गरेको गीतमा बनिष शाहको सम्पादन र सञ्जय लामाको छायाँकन छ । लिड कलाकार सलिनमान बनियाँ र मलिका महत फिचर छन् ।
पहिलो हप्तामा प्रदर्शनरत ‘यात्रा’लाई सम्राट बस्नेतले निर्देशन गरेका हुन् । फिल्ममा सलिन र मलिकासँगै प्रेक्षा बज्राचार्य, सलोन बस्नेत, रेअर राई, राजाराम पौडेल लगायत लिड अभिनयमा छन् ।
