‘इन्स्टाको फोटो’पछि आशिफकी ‘कान्छि’ बनिन् टिकटक क्विन रेश्मा (भिडियो)

केहि महिना पहिले रिलिज ‘इन्स्टाको फोटो’ बोलको गीत हिट बन्यो । यो गीत यतिबेला करोड भ्यूजको बाटोमा अघि बढिरहेको छ । उक्त गीतमा फिचर थिए ‘टिकटक क्विन’को उपमा पाएकी रेश्मा घिमिरे र अभिनेता आशिफ शाह । यो जोडीले गीत रिलजिपछि राम्रै चर्चा पायो, डिमाण्डेड पनि बन्यो ।

यो बीचमा आशिफ र रेश्मा फिचर अर्को गीत रिलिज भएको छ । शान थापाको निर्देशनमा ‘हेरन कान्छी’ बोलको गीति भिडियो रिलिज हुँदा रेश्मा र आशिफले दोश्रो पटक जोडी बाँधे ।
दीपक शर्माको संगीत रहेको गीतमा स्वर राज खम्बु र मेलिना राईको छ ।

गीतमा एरेञ्ज उदयराज पौडेलले गरेका छन् । दिनेश सुवेदीले शब्द लेखेको गीतको भिडियोलाई शिशिर खाती र राजिव समरले कोरियोग्राफी गरेका छन् । अर्जुन तिवारीले क्यामेरा चलाउँदा विजय बस्यालको भिएफएक्स छ । प्रोडक्सन म्यानेजरमा मनोज जोशी छन् ।