पलको अङ्गालोमा रोमान्टिक बर्षाः ‘वीर बिक्रम २’ अफिसियल गीत रिलिज (भिडियो)

पल शाह र बर्षा शिवाकोटी स्टारर फिल्म ‘वीर बिक्रम २’को अफिसियल गीत रिलिज भएको छ । सार्वजनिक फिल्मको दोश्रो गीतमा पल र बर्षा रोमान्टिक अबतारमा प्रस्तुत छन् ।भियतनामका विभिन्न लोकेशनमा गीत छायाँकन गरिएको छ ।

‘बाचा’ बोलको गीतमा स्वर ताराप्रकाश लिम्बु र दीपा लामाको छ भने नरेश भट्टराईको शब्दमा संगीत तारा प्रकाशले नै भरेका छन् । गीतमा कविराज गहतराजको कोरियोग्राफी तथा बनिष शाहको सम्पादन छ ।

मिलन चाम्सको निर्देशनमा बनेको फिल्म आगामी जेठ ३ गतेबाट प्रदर्शनमा आउनेछ । यो फिल्म दुई बर्ष पहिले रिलिज ‘वीर बिक्रम’को सिक्वेल हो । ‘वीर बिक्रम २’मा पल र बर्षासँगै नाजिर हुसैन, बुद्धि तामाङ, देशभक्त खनाल, विनिषा भण्डारी, विनोद सुवेदी, मनिष लिम्बु, सौरभ शाह, मनोज केसी लगायत अभिनयमा छन् ।

र यो पनिः