‘यात्रा’ हेर्न हलमा दृष्टिबिहिन
सलिनमान बनियाँ स्टारर फिल्म ‘यात्रा’ शुक्रबारबाट प्रदर्शनमा आएको छ । फिल्मको ओपनिङ बिजनेस सुखद छ । ओपनिङ डे मल्टिप्लेक्स तथा सिंगल स्कृनमा म्युजिकल लभस्टोरी जनराको फिल्मप्रति दर्शकले साथ दिएका छ । प्राप्त शोजहरुमा फिल्मको अकुपेन्सी सुखद देखीयो ।
फिल्ममा लिड अभिनयमा रहेकी डेब्यू गर्ल मलिका महतले दृष्टिबिहिनको भुमिका निभाएकी छिन् । पहिलो फिल्ममा त्यो पनि दृऋ्टि गुमेको पात्रमा जोखिमयुक्त काम गरेकी मलिका प्रशंसाकी पात्र बन्दा दृष्टिबिहिनहरु नै उनको काम बुझ्न हलमा पुगेका छन् । कपन स्थित नेत्रहिन छात्राबासमा रहेका आँखाको ज्योति गुमाएकाहरुले शुक्रबार फिल्म हेरेका हुन् ।
आँखाको ज्योति गुमाएकासँगै फरक क्षमता भएका ४० भन्दा बढीले राजधानीको चाबहिल स्थित गोपीकृष्ण हलमा पुगेर फिल्म हेर । उनीहरुले फिल्म हेर्ने थाहा पाएपछि फिल्मकी डेब्यु गर्ल मलिका महत , सलोन बस्नेत र रेअर राई पनि हलमा पुगेर धन्यवाद दिएका थिए । कलाकारसँगै कार्यकारी निर्माता सर्जुमान लिगल , द्वन्द निर्देशक हिमाल केसी र निर्देशक सम्राट शाक्य पनि उनिहरुलाई भेट्न हल पुगेका थिए ।
उक्त छात्राबासमा पुगेर केहि समय मालिकाले फिल्मको क्यारेक्टरको लागि प्रशिक्षण पनि लिएकी थिइन् । फिल्म हेर्न आएका अधिकांसले आफुलाई कथावस्तु मन परेको बताए । फिल्ममा मनोरञ्जनसँगै दिइएको सोसल म्यासेज र फरक क्षमता भएकाले पनि केहि गर्न सक्ने प्रेरणाले आफुहरुलाई खुसि बनाएको अधिकांसको भनाइ रहेको थियो ।
यो फिल्ममा सलिनले भ्लग मार्फत समाजमा ल्याउन सकिने परिवर्तनलाई चित्रण गरेका छन् । फिल्ममा सलिनसंगै सलोन बस्नेत , जान्वी बस्नेत , जय नन्द लामा , रेअर राई , प्रेक्षा बज्राचार्य , धिरेन शाक्य , राजाराम पौडेल , विशाल कटवाल , समृद्धि राई , योगेश जंग कुँवर , इश्वर पौडेल , नानीकाजी डंगोल , राजेश बिसुराल , इश्वर पौडेल , देशभक्त खनाल , कमल मैनाली , सौगात शर्मा लगायतको अभिनय रहनेछ ।
