आयुष्मान र प्रियंकाको ‘जुनी जिउँने’ प्रण (भिडियो)

फिल्म ‘प्रेम दिवस’को रोमान्टिक नम्बर रिलिज भएको छ । सार्वजनिक गीतमा लिड अभिनेता रियल कपल आयुष्मान देशराज जोशी र प्रियंका कार्कीले जुनी जुनी सँगै हुने कसम सेयर गरेका छन् ।

‘बरु अर्को जुनी’ बोलको गीतमा स्वर मेलिना राई र निशान भट्टराईको छ भने संगीत दिपक शर्माले भरेका छन् । गीतको भिडियोमा कोरियोग्राफी कविराज गहतराजको छ । आयंका जोडीसँगै डेब्यू अभिनेता बिशाल खरेल पनि भिडियोमा फिचर छन् ।

योगेश घिमिरेको निर्देशनमा बनेको फिल्म आगामी जेठ ३१ बाट प्रदर्शनमा आउनेछ । आगामी मानकृष्ण महर्जनले क्यामेरा चलाउँदा ‘प्रेम दिवस’मा सम्पादन बनिष शाहको छ ।