मकैको सहकार्यमा ‘यात्रा’ले ल्यायो दर्शकलाई १ लाख जित्ने मौका

‘मकै’ एप्ससँगको सहकार्यमा चैत्र २९ बाट प्रदर्शनमा आउने फिल्म ‘यात्रा’ले दर्शकलाई १ लाखसम्म नगद जित्ने स्किम सार्वजनिक गरेको छ । सार्वजनिक क्विज कन्टेस्टमा सोधिएका प्रश्नको सहि जवाफ दिने सहभागीले लाख जित्नेछन् । गोलाप्रथाबाट भाग्यशाली छनोट गरिनेछ ।

फिल्ममा डेब्यू गर्ल मलिका महतले तपस्याको भूमिका निर्वाह गरेकी छिन् । उनले आफ्नो आँखाको ज्योति कसरी गुमाउँछिन् ? भन्ने प्रश्नको जवाफका लागि सहभागीले ट्रेलर हेरेर दिएको अप्सनमध्ये एकमा टिक लगाउनु पर्नेछ । टिक लगाएपछि प्रतियोगीले आफ्नो नाम र नम्बरसँगै इमेल पनि राखेर सबमिट गर्नुपर्ने निर्देशक सम्राट शाक्यले बताए ।

यस प्रतियोगितामा विश्वभरका जो कोहीले पनि सहाभागिता जनाउन सक्नेछन् । सहभागिताको लागि https://meromakaii.com/yatra मा क्लिक गर्नुपर्नेछ । नेपालबाट विजेता भए १ लाख नगद र विदेशबाट भए ९ सय युएस डलर प्रदान गरिने प्रस्तुतकर्ता चिजकुमार श्रेष्ठले बताए । यो प्रतियोगिता आउँदो चैत्र २९ गते विहान ८ बजे बन्द गरिने छ भने आउँदो वैशाख २० गते फेसबुक लाइभमार्फत् विजेता घोषणा गरिनेछ ।

सलिनमान बनियाँ स्टारर यो फिल्ममा मलिकासँगै सलोन बस्नेत, धिरेन शाक्य, रेअर राई, राजाराम पौडेल, प्रेक्षा बज्राचार्य लगायत लिड अभिनयमा छन् । सञ्जय लामाले फिल्मलाई छायाँकन गरेका हुन् ।