रोहित र दीपक दीपाको नयाँ फिल्म ‘छ माया छपक्कै’
रोहित अधिकारी फिलमस् र आमा सरस्वती मुभिजको ब्यानरमा बर्ष २०७६ मा निर्माण हुने फिल्मको नाम जुरेको छ । अभिनेता दीपकराज गिरीले फिल्मको नाम ‘छ माया छपक्कै’ सार्वजनिक गरेका छन् ।
दीपकसँगै निर्माता रोहित अधिकारीले एकसाथ सामाजिक सञ्जाल मार्फत आगामी बडादशैँमा प्रदर्शनमा आउने फिल्मको नाम ‘छ माया छपक्कै’ सार्वजनिक गरे । फिल्म बैशाखको २० गतेबाट प्रदर्शनमा जाँदैछ ।
दिपेन्द्र लामाको निर्देशनमा बन्ने फिल्मको हाल स्कृप्टको काम भइरहेको छ । दिपकले जितु नेपाल र माग्ने बुढासँग मिलर स्कृप्टलाई अन्तिम रुप दिँदैछन् । हरी हुमागाइँले खिच्ने फिल्ममा हालसम्म दीपकसँगै जितु र माग्ने बुढा मात्रै अभिनयमा रहने खुलाइएको छ । निर्माता रोहितले हिरोइनको नाम छिट्टै सार्वजनिक गर्ने बताए ।
कमेडी लभस्टोरी जनरामा बन्ने फिल्म दीपकराज गिरी र दीपाश्री निरौलाको हिट सिरिज ‘छक्का पञ्जा’को निरन्तरता हुने नहुने खुलाइएको छैन । दीपक दीपाले ‘छ एकान छ’, ‘वडा नम्बर छ’ देखि छक्का पञ्जाका तीन सिक्वेल बनाउँदा सम्म आफुलाई हिट साबित गरिसकेका छन् । उता ‘गाजलु’ फिल्मलाई हिट स्थापित गरेका रोहितको लागी यो फिल्म दोश्रो प्रोजेक्ट हुनेछ ।
