‘ए मेरो हजुर ३’ नयाँ गीतः अनमोलको यादमा बोल्ड बनिन् सुहाना (भिडियो)

अनमोल केसी र सुहाना थापा स्टारर फिल्म ‘ए मेरो हजुर ३’को नयाँ गीत रिलिज भएको छ । सार्वजनिक ‘चैट डे’ बोलको गीतमा सुहाना उनका साथीहरुका साथ फिचर छिन् । सुहानालाई केहि बोल्ड अबतारमा देख्न सकिन्छ ।

सार्वजनिक गीतमा स्वर प्रविशआ अधिकारीको छ भने शब्द संगीत प्रतिक पौडेलको छ । यो फिल्मका यसअघि सार्वजनिक सबै गीत हिट लिस्टमा छन् । सांगितिक रुपमा सशक्त बनेको फिल्मको ट्रेलरले पनि राम्रो तारिफ भेटेको छ ।

झरना थापाको निर्देशनमा बनेको फिल्मलाई सुनिलकुमार थापाले निर्माण गरेका हुन् । त्यसो त डेब्यू गर्ल सुहाना ‘थापा’ दम्पतिकी एक्ली छोरी हुन् । चैत्र २९ बाट प्रदर्शनमा आउने फिल्ममा सलोन बस्नेत, सरोज खनाल, रक्षा गौतम, अर्पण थापा रुपा घिसिङ लगायत लिड रोलमा छन् ।