‘ए मेरो हजुर ३’ ट्रेलरलाई सफलताः युट्युवमा तोड्यो ‘क्याप्टेन’ रेकर्ड
बिहिबार साँझ युट्युव रिलिज भएको अनमोल केसी स्टारर फिल्म ‘ए मेरो हजुर ३’ को ट्रेलरले किर्तिमानी भ्यूज पाएको छ । इनिसियल फ्लो अनुसार थप आशातित भ्यूज नपाए पनि ट्रेलरलाई २४ घण्टामा दर्शकले हालसम्मकै बढि हेरेका छन् ।
यसअघि अनमोलकै फिल्म ‘क्याप्टेन’को ट्रेलर २४ घण्टामा ८ लाख १० हजार पटक हेरिएको थियो । ‘ए मेरो हजुर ३’को ट्रेलरले सोहि समयमा करिब साढे ८ लाखको भ्यूज पाएको छ । ट्रेलरलाई हालसम्म युट्युवमा ५० हजार बराबर लाइक र ८ हजार बराबर कमेन्ट व्यक्त छन् । अनमोलसँग अभिनेत्री टर्न निर्देशक झरना थापा पुत्री सुहाना थापाले स्कृन सेयर गरेकी छिन् ।
सुहानाको लागी यो डेब्यू फिल्म हो । फिल्मलाई उनकै पिता सुनिलकुमार थापाले निर्माण गरेका हुन् । चैत्र २९ बाट प्रदर्शनमा आउने यो फिल्मको ट्रेलरले सुरुवाती प्रतिक्रिया सुखद पाएको छ । ट्रेलरलाई साहिल खानले काटेका हुन् ।
‘ए मेरो हजुर’ को तेश्रो सिक्वेलमा अनमोल र सुहानासँगै सलोन बस्नेत, रविन्द्र झा, रुपा घिसिङ, विशाल पहाडी, सरोज खनाल, रक्षा गौतम, अर्पण थापा, रेअर राई लिड अभिनयमा छन् । फिल्ममा दिर्घ खड्काको सम्पादन छ । क्यामेरा डिपार्टमा सञ्जय लामा, सुदिप बराल र सम्भु मोक्तान छन् ।
