फ्राइडे रिलिजः ‘साइँली’ भर्सेज ‘शुभ लभ’

फ्राइडे रिलिज अन्तर्गत यो हप्ताको लागी दुई नेपाली फिल्म ‘साइँली’ र ‘शुभ लभ’ प्रदर्शनमा आएका छन् । ठुला विदेशी फिल्म नेपाल रिलिज नहुँदा मल्टिप्लेक्समा दुबै फिल्मले राम्रो उपस्थिती देखाउन पाउँदा सिंगल स्कृनमा पनि आधा आधी हल बाँडिएका छन् ।

‘साइँली’
रामबाबु गुरुङको निर्देशनमा बनेको फिल्म दुई बर्ष पहिले रिलिज हिट गीत’ साइँली’को पृष्ठभुमीमा आधारित छ । हेमन्त रानाको उक्त गीतकै पृष्ठभुमी बोल्ने फिल्मलाई हेमन्त र गौरव पहारीले निर्माण गरेका हुन् । फिल्ममा दयाहाङ राई, गौरव पहारी, मेनका प्रधान, केनिपा सिंह, प्रकाश घिमिरे, माओत्से गुरुङ लिड अभिनयमा छन् ।

‘शुभ लभ’
युवा ज्योतिष हरिहर अधिकारीको डेब्यू फिल्म ‘शुभ लभ’ प्रेमकथाको फिल्म हो । फिल्मबाट क्रिष्टिन पौडेलले अभिनेत्रीमा डेब्यू गरेकी छिन् । सन्तोषबाबु लोहनीको निर्देशनमा तयार फिल्ममा प्रदिपकुमार उदयको प्रस्तुती छ ।