अनमोल स्टारर ‘ए मेरो हजुर ३’ ट्रेलर रिलिज (भिडियो)
चैत्र २९ लाई प्रदर्शन मिति तय गरेको फिल्म ‘ए मेरो हजुर ३’को ट्रेलर रिलिज भएको छ । बुधबार निर्देशक झरना थापाको जन्मदिनको अबसर पारेर कार्यक्रम गर्दै मिडिया र फिल्मकर्मीमाझ ट्रेलर देखाएको निर्माण टिमले बिहिबार युट्युव रिलिज गरेको हो ।
ट्रेलरमा लिड अभिनेता अनमोल केसी र डेब्यू अभिनेत्री सुहाना थापाबीचको प्रेमिल पाटोहरु जोडिएको छ । सांगितिक प्रेम कथा जोडिएको फिल्मको ट्रेलरमा कमेडी, द्वन्द्व र रोदन पनि समावेश छ । फिल्मका यसअघि सार्वजनिक दुई गीत हिट लिस्टमा छन् ।
फिल्ममा अनमोल र सुहानासँगै सलोन बस्नेत, रक्षा गौतम, सरोज खनाल, रुपा घिसिङ, विशाल पहाडओ, रेअर राई, अर्पण थापा, रविन्द्र झा लिड अभिनयमा छन् । सुनिल कुमार थापाले फिल्मलाई निर्माण गरेका हुन् ।
झरना थापा र सुमन पौडेलको कथामा बनेको ‘ए मेरो हजुर ३’मा छायाँकन सञ्जय लामा, सुदिप बराल र शम्भु मोक्ताको छ भने सम्पादन दिर्घ खड्काको छ । नेपालदेखि अमेरिकामा सम्म फिल्मका दृश्यहरु कैद गरिएका छन् ।
