‘नेपाल हिरो अफ ट्यालेन्ट’ घोषणाः बिजेतालाई ७० लाख
एन्जल मिडियाको आयोजनामा ‘नेपाल हिरो अफ ट्यालेन्ट’ नामक रियालिटी शो हुने भएको छ । गायन नृत्य तथा अन्य प्रतिभालाइ समेटेर गर्न लागिएको रियालिटी शोको आइतबार राजधानीमा पत्रकार सम्मेलन गरि सम्पूर्ण जानकारी गराइयो ।
नेपालको विभिन्न स्थानमा लुकेर रहेका प्रतिभाहरुलाइ स्थान दिने गरि ‘नेपाल हिरो अफ ट्यालेन्ट’ गर्न लागिएको पत्रकार सम्मेलनमा जानकारी गराइयो । नेपाली प्रतिभालाइ व्यवसायिककरण मात्र नभईकन व्यवस्थापनका साथ संरक्षण गर्न र सबै प्रतिभालाइ मनोरञ्जनका साथ टेवा पुर्याउने विश्वव्यापी प्रचार प्रसारमा एन्जल मिडिया लागि परेको आयोजकले दाबी गर्यो ।
नेपालका सातै प्रदेश र ७७ वटै जिल्लाका प्रतिनिधित्व हुने गरि १४ वटा मुख्य स्थानमा अडिसन गराई १० हजार जनालाई अडिसनमा सहभागी गराइने कार्यक्रममा जानकारी दिइयो । अडिसन बाट छनोट भएकालाई काठमाडौँ बोलाएर जर्ज राउण्ड बाट भोटिंग राउण्डमा प्रवेश गराई भोटिंग राउण्डबाट नै प्रथम दोश्रोको छनोट गरिने छ । प्रथम हुनेलाइ नगद ७० लाख द्वितिय हुने लाइ २० लाख र तृतीय हुने लाइ नगद १० लाख प्रदान गरिने आयोजकले बताएको छ ।
कार्यक्रममा गायक आनन्द कार्की, संगीतकार ओम प्रकाश राइ र अभिनेत्री एलिना बाँस्कोटा निर्णायक रहेका छन् । कार्यक्रम मेघा टेलिभिजन मार्फत प्रशारण हुनेछ चैत्र २५ गते बाट अडिसन सुरु हुनेछ ।
