हल ‘यात्रा’ को अनुरोध गर्दै कलेज पुगे सलिनमान
उदयिमान स्टारको उपमा पाएका अभिनेता सलिनमान बनियाँ स्टारर फिल्म ‘यात्रा दि म्युजिकल भ्लग’ यहि चैत्र २९ बाट प्रदर्शनमा आउँदैछ । रिलिज मिति नजिकिँदै गर्दा कलाकार सहित निर्माण टिम उचित प्रचारमा व्यस्त छ ।
केहि दिन पहिले मोफसलका विभिन्न ठाउँ पुगेर फर्केको फिल्म टिम यतिबेला राजधानी केन्द्रित प्रचारमा जुटेको छ । हालै कलेज क्याम्पियन सुरु गरेको ‘यात्रा’ले कलाकार बोकेर आइतबार सबेरै राजधानीको लिटिल एन्जल्स कलेज पुग्यो ।
सलिनमानसँगै लिड कलाकार सलोन बस्नेत डेब्यू गर्ल मलिका महत लगायतको टिम पुग्दा विधार्थीहरुले स्वागत दिए । कलाकारहरुले फिल्म र आफ्नो भुमिका बुझाउँदै हलसम्म यात्राको लागी अनुरोध गरे । ए लेभलको तेस्रो वर्षमा अध्यनरत विधार्थीको आयोजना रहेको’एलए कल्चर फेस्ट २०१९’ को समापन समारोहमा यात्रा टिम सहित कलाकार पुगेका थिए ।
सलिन कलेजमा प्रवेश भएसँगै उनिसँग सेल्फी खिच्न विधार्थीहरुको भीड लागेको थियो । सम्राट शाक्यको डेब्यु निर्देशन रहेको फिल्ममा जान्वी बस्नेत , जय नन्द लामा , रेअर राई , प्रेक्षा बज्राचार्य , धिरेन शाक्य , राजाराम पौडेल लगायतको अभिनय समेत समावेश छ ।
