ए मेरो हजुर ३ गीत रिलिजः अनमोलकी प्राण सुहाना
अनमोल केसी स्टारर फिल्म ‘ए मेरो हजुर ३’ को लोक फ्लेभरको गीत रिलिज भएको छ । केहि दिन पहिले सार्वजनिक ‘जीन्दगी नै भन्दिन’ बोलको गीत हिट लिस्टमा परेसँगै निर्माण टिमले ‘परान’ बोलको गीत रिलिज गरेको हो ।
सार्वजनिक गीतमा अनमोलसँगै डेब्यू गर्ल सुहाना थापा फिचर छिन् । आनन्द अधिकारीको शब्दमा आशिष अबिरलको संगीत छ भने आशिषलाई स्वरमा साथ अञ्जु पन्तले दिएकी छिन् । गीतको भिडियोमा अनमोललाई टिपिकल नेपाली ड्रेसमा देखाइएको छ ।
झरना थापाको निर्देशनमा तयार यो फिल्ममा अनमोल र सुहानासँगै सलोन बस्नेत, रविन्द्र झा, सरोज खनाल लगायत अभिनयमा छन् । सुनिल कुमार थापाको निर्माणमा बनेको यो फिल्म बर्षान्त अर्थात यहि चैत्र २९ बाट प्रदर्शनमा आउँदैछ ।
