भदौमा रेखा र दयाहाङको ‘निरफूल’ पक्का
रंग पत्रकार तथा समिक्षक फूलमान बल निर्देशित फिल्म ‘निरफूल’ ले आफ्नो प्रदर्शन मिति तय गरेको छ । प्राप्त जानकारी अनुदार फिल्म आगामी बर्षको भदौ २७ मा रिलिज हुने छ।
रेखा थापा र दयाहाङ राई स्टारर फिल्मले भुकम्पले बिछोडिएको एक परिवारको कथा भन्छ । बर्ष पहिले छायाँकन भएको फिल्म प्राविधिक कारणबस प्रदर्शनमा आउन सकेको थिएन । फिल्ममा मुख्य भुमिका दयाहाङको रहँदा रेखाले अतिथी भुमिका निभाएकी छिन् ।
एक वर्ष अगाडि नै छायांकन सकिएको भए पनि विभिन्न कारणले यो सिनेमा प्रदर्शनमा आउन सकेको थिएन । सिनेमामा अभिनेत्री रेखा थापा बिशेष भुमिकामा देखिने छिन् ।
‘निरफूल’मा शान्ति वाइबा, बुद्धि तामाङ, पुष्कर गुरुङ, जिम्मे छ्योइकी घिसिङ, राजन खतिवडा लगायतका कलाकारहरुको समेत अभिनय समावेश छ ।
निर्देशक वल र सचिन घिमिरेले पटकथा लेखेको फिल्म फ्रेन्ड्स अफ नेपाल–म्यान्मार फ्रेन्डसिप काउन्सिल र ग्रिनतारा इन्टरटेनमेन्टको सहकार्यमा सेलो प्रोडक्सनको तर्फबाट तयार भएको हो । प्रमोद कार्कीको छायाँकन र निमेष श्रेष्ठको सम्पादन फिल्ममा समावेश छ ।
