सलमान र आलिया टिमअप
सञ्जयलिला भञ्सालीको अपकमिङ प्रोजेक्ट ‘इन्सल्लाह’मा लिड अभिनयमा सुपरस्टार सलमान खानसँगै आलिया भट्ट रहने भएकी छिन् । मंगलबार आलियाले सामाजिक सञ्जालमा पोस्टर सेयर गर्दै सलमानसँग पेयरिङको खुलाशा गरिन् ।
आलियाले इन्स्ट्राग्राममा पोस्ट सेयर गर्दै लेखेकि छिन्, ‘म ९ बर्षको छँदा पहिलो पटक सञ्जयलिलाको अफिसमा पुगेकी थिएँ, नर्भस थिएँ र कामना गरेकी थिएँ कि उनको अर्को फिल्ममा म रहुँ, त्यो दिनको लागी धेरै लामो प्रतिक्षा थियो ।’
सञ्जय र सलमानको जादुयी यात्रामा जोडिन आतुर भएको भन्दै आलियाले आफुलाई भाग्यमानी बोलेकी छिन् । सञ्जयको पहिलो रोजाइमा यसअघि नै सलमान तय भइसकेका थिए ।
