‘यात्रा’ टिमको होलीः मलिकासँग रोमान्टिक सलिनमान (फोटो फिचर)
फिल्म ‘यात्रा’ टिमले बुधबार परेको होलीको प्रि सेलिब्रेसन गरेको छ । कलाकार तथा निर्माण टिम मिलेर सोमबार नै होली सेलिब्रेसन गरेको हो ।
‘यात्रा : अ म्युजिकल भ्लग’ युनिटले एकआपसमा रङ खेल्दा लिड अभिनेता सलिनमान बनियाँ विन्दास मूडमा देखिएका छन् । सलिनसँगै सबैजसो मुख्य कलाकार होलीको छेकोमा कलरसँगै रोमान्टिक देखिएका छन् । प्राप्त तश्विरहरु यस्तै बोल्छन् ।
सलिनमानसँगै डेब्यु गर्ल मलिका महत , जान्हवी बस्नेत , प्रेक्षा बज्राचार्यको साथमा निर्माण टिमले बुधबार राजधानीका विभिन्न स्थानमा पुगेर दर्शकसँगै होली मनाउनेछ ।
रेअर राई , विशाल सापकोटा , निर्देशक सम्राट शाक्य , प्रस्तुतकर्ता चिजकुमार श्रेष्ठ , निर्माता सुशील पोखरेल , प्रोडक्सन म्यानेजर मनोज जोशी , द्वन्द निर्देशक हिमाल केसी लगायतले होली मनाएका हुन् । होलीलाई प्रि- सेलिब्रेट गरेको यात्रा टिमले आउँदो वुधबार विभिन्न स्थानमा पुगेर दर्शकसँग होलीलाई सेलिब्रेट गर्ने पनि जनाएका छन् ।
निर्देशक सम्राट शाक्यले बुधबार परेको होलीको दिन आफ्नो फिल्म क्रू गैरीधाराको रोयल एम्पायर होटेल , सिटी फ्ल्याश स्विमिङ पुल भक्तपुरसँगै नयाँ वानेश्वरमा आयोजना हुने रेडियो अडियोको होली कार्यक्रम र विभिन्न मिडियाको आयोजना रहने होली कार्यक्रममा सहभागी हुने बताए ।
होलीको छेकोमा उत्साहित देखिएका सलिन भन्छन्, ‘होली मलाइ मन पर्छ तर प्रायः आफ्नै सर्कलमा मात्र मनाउने गरेको छु’ उनले भने ‘यसपटक भने दर्शक र मिडियासँग होली मनाउदैछु , विभिन्न स्थानमा पुग्दैछु ।’ केशब भट्टराई सुशिल पोखरेल, चिजकुमार श्रेष्ठको निर्माणमा तयार भएको यो फिल्म नयाँ बर्षको छेकोमा चैत्र २९ बाट प्रदर्शनमा आउँदैछ ।
