जात्रै जात्रा गीतः ‘माया पिरिम’मा निश्चल, बर्षा र सारादेखि करिश्मा र बिपिनको ठूम्का (भिडियो)

फिल्म ‘जात्रै जात्रा’को अफिसियल गीत रिलिज भएको छ । फिल्ममा समावेश ‘माया पिरिम’ बोलको गीतमा लिड कलाकार बिपिन कार्की, बर्षा राउत, रविन्द्रसिंह बानियाँ, रविन्द्र झासँगै अतिथी कलाकार निश्चल बस्नेत, सारा सिर्पाली र करिश्मा मानन्धरले कमम्र मर्काएका छन् । अन्त्यमा दयाहाङ राईलाई पनि झुलुक्क देखाइएको छ ।

डान्सिङ नम्बरमा स्वर निशान भट्टराई र मनिषा पोखरेलको छ भने लेखु सहयात्रीको शब्दमा संगीत कृष्ण भारद्वाजले भरेका छन् । कविराज गहतराजले आकर्षक कोरियोग्राफीमा गीत तयार पारेका हुन् ।

जेठ ३ गतेलाई प्रदर्शन मिति तय गर्दै प्रचार सामाग्री सार्वजनिक गरेको यो फिल्म ३ बर्ष पहिले रिलिज हिट फिल्म ‘जात्रा’को सिक्वेल हो । फिल्मलाई प्रदिप भट्टराईले निर्देशन गरेका छन् भने निर्मातामा यादव पौडेल र सिङ्गे लामा छन् ।