‘दाल भात तरकारी’मा आँचल र पुष्पको ठुक्का, हरिवंश र निरुता पनि के कम ! (भिडियो)

फिल्म ‘दाल भात तरकारी’को शीर्ष गीत सार्वजनिक भएको छ । ‘दाल भात तरकारी’ बोलको गीतमा लिड कलाकार हरिवंश आचार्य, निरुता सिंह, पुष्प खड्का र आँचल शर्मा फिचर छन् ।

रमाईलो र आकर्षक कोरियोग्राफीमा तयार पारिएको गीतका शब्द पनि झट्ट मनमा बस्ने प्रकारका छन् । मह सञ्चारको प्रस्तुतीमा तयार भएको फिल्म आगामी बैशाख २० बाट प्रदर्शनमा आउँदैछ । गीतका कोरियोग्राफी प्रविण सिंहको छ ।

सार्वजनिक गीतमा स्वर राजेशपायल राई र स्मिता दाहालको छ भने हरिवंशको शब्दमा संगीत सम्भुजित बाँस्कोटाले भरेका छन् । फिल्मलाई कलाकार किरण केसीका छोरा सुदन केसीले निर्देशन गरेका हुन् । किरण निर्मातामा छन् ।