प्रेमपीडाले टुक्रियो हरिहरको सपना (भिडियो)
फिल्म ‘शुभ लभ’को ‘स्याड भर्सन’ गीत रिलिज भएको छ । ‘टुक्रियो एउटा सपना’ बोलको गीतमा अभिनेता हरिहर अधिकारी प्रेमपीडामा छटपटाउँदै देखिन्छन् ।
फिल्मको सार्वजनिक गीतमा स्वर, संगीत तथा शब्द भुपेन्द्र अधिकारीको छ, छायाँकन रामेश्वर कार्कीको छ ।
प्रदिपकुमार उदयको प्रस्तुतिमा तयार फिल्म चैत्र १५ बाट प्रदर्शनमा आउँदैछ । फिल्ममा हरिहरसँगै क्रिष्टिन पौडेल, सरोज खनाल, राजाराम पौडेल, प्रदिप बाँस्तोला, रविन्द्र झा लगायत लिड अभिनयमा छन् ।
सन्तोष लोहनीको निर्देशनमा तयार ‘शुभ लभ’लाई धर्मराज सुवेदीले निर्माण गरेका हुन् । फिल्ममा रामजी लामिछानेको कोरियोग्राफी तथा बनिष शाह र भुपेन्द्र अधिकारीको सम्पादन छ ।
