‘जानी नजानी’ शीर्ष गीतः मनिषसँग बोल्ड निरिशा (भिडियो)
आउँदो शुक्रबारबाट प्रदर्शनको तयारीमा रहेको फिल्म ‘जानी नजानी’को शिर्ष गीत रिलिज भएको छ । सार्वजनिक गीतको भिडियोमा लिड कलाकार मनिष श्रेष्ठ र डेब्यू गर्ल निरिशा बस्नेत फिचर छन् ।
लिड कलाकारलाई बोल्ड अबतारमा प्रस्तुत गरिएको गीतले प्रेमभाव बोल्छ । सार्वजनिक गीतमा स्वर अजु पन्त र प्रताप दासको छ भने मोदनाथ खनालको शब्दमा संगीत अर्जुन पोखरेलले भरेका छन् ।
बसन्त अधिकारीको निर्देशनमा बनेको यो फिल्ममा छायाँकन सञ्जय लामाको छ भने सम्पादन अजुन जिसीले गरेका छन् ।
रोशनी इन्टरटेन्मेन्टको ब्यानरमा बनेको ‘जानी नजानी’लाई मोदनाथ खनाल र सागरकाजी मालीले निर्माण गरेका हुन् । कथा, पटकथा र संवाद सामिप्यराज तिमिल्सेनाको रहेको फिल्ममा मनिष र निरिशासँगै सन्नी सिंह, नम्रता श्रेष्ठ, प्रकाश अधिकारी, कृष्णभक्त महर्जन, रोशनी केसी लगायत लिड अभिनयमा छन् ।
