जसिताको रोजाइ अनमोलदेखि आशिरसम्मः प्रदिप ट्याग हटाउने जुक्ती ?
‘लिलिबिली’ डेब्यू गर्ल जसिता गुरुङले पहिलो फिल्मबाट नै तारिफ भेटिन् । प्रदिप खड्काको अपोजिटमा देखिएकी जसिताको कामले प्रशंसा भेट्दा प्रदिप र उनको लभ अफेयरसम्मका गसिप पनि सिनेवृत्तमा चले । हालसम्म पनि चलिरहेका छन् ।
यो बीचमा जसिता र प्रदिपले एकसाथ दोश्रो पटक काम गरेको फिल्म ‘लभ स्टेशन’ प्रदर्शनको तयारीमा छ । यो बीचमा प्रदिपको हिरोइनको आरोप खेपेकी जसिताले अब बाहिर निस्किने सोचमा रहेको खुलाइन् । प्रदिपले नै उनलाई बाहिर काम गर्न नदिएको चर्चा र गसिपका बीच दुबैले यो कुरालाई नकारे ।
बरु प्रदिप बाहेक अब को-को सँग काम गर्ने इच्छा छ भन्ने प्रश्नमा जसिता गुञ्जिइन्ः ‘सौगात मल्ल, बिपिन कार्की, अनमोल केसी ।’ यतिमा उनको कुरा रोकिइन, उदयिमान अभिनेता आशिरमान देशराज जोशीदेखि धिरज मगरसम्म आफ्नो रोजाइमा रहेको उनले खुलाइन् ।’
पहिलो फिल्मबाट नै संभावना देखाएकी जसिताले दोश्रो फिल्मसम्म आइपुग्दा कस्तो काम गरेकी छिन् त्यो फिल्म रिलिजपछि थाहा हुनेछ । तर यी क्यूट गर्ललाई उल्लेखित अभिनेतासँग काम गराउन मन बनाउने मेकरहरुलाई भने उनले फालेको ‘तुरुप’ले पक्कै फाइदा गर्नेछ । यदी प्रदिप खड्काको ट्याग मेटाउनकै लागी मात्र उनले यो बोलेकी हुन् भने चाहिँ हाम्रो भन्नु केहि रहनेछैन !
