प्रदिप र जसिताको प्रेममा प्रकाश भिलेनः ट्रेलरमा हेर्नुहोस् ‘लभ स्टेशन’
चैत्र २२ लाई प्रदर्शन मिति तय गरेको फिल्म ‘लभ स्टेशन’को ट्रेलर रिलिज गरिएको छ । राजधानीमा मंगलबार एक कार्यक्रमको आयोजना गर्दै निर्माण टिमले ट्रेलर रिलिज गर्यो । ट्रेलरमा मुख्य अभिनेता प्रदिप खड्का र अभिनेत्री जसिता गुरुङको प्रेम, रोमान्स र रोदन जोडिएको छ भने त्यसमा खलपात्र बनेका छन् प्रकाश शाह ।
जसिता र प्रदिपको गज्जबको केमेष्ट्रि देखिँदा डेब्यू अभिनेता प्रकाशको काम छोटो देखाइँदा पनि मिठास पोख्ने देखिएको छ । उज्जल घिमिरे यो फिल्मका निर्देशक हुन् ।
गोविन्द शाहिको निर्माणमा तयार भएको फिल्ममा उल्लेखित कलाकारसँगै रमेश बुढाथोकी, शिरु बिष्ट, प्रिया रिजाल, कालु राना, दिनेश काफ्ले, रश्मी पाण्डे, रिशु खरेल, ज्वलन्त गौतम लगायत लिड अभिनयमा छन् ।
शिशिर खातीको कोरियोग्राफी रहेको फिल्ममा आलोक शुक्लाको छायाँकन तथा अर्जुन जिसी र लोकेश बज्राचार्यको सम्पादन छ । ट्रेलरलाई शाहिल खानले काटेका हुन् ।
