ट्रेलरमा हेर्नुहोस् दयाहाङ, गौरव र मेनुकाको ‘साइँली’ (भिडियो)
टिपिकल नेपाली कथा बोकेको फिल्म ‘साइँली’को ट्रेलर रिलिज भएको छ । रामबाबु गुरुङ निर्देशित फिल्मको ट्रेलरमा सामान्य परिवारका युवायुवतीको कथा जोडिएको छ । जहाँ उनिहरुको प्रेम सम्बन्धको जालो बुनिन्छ अनि त्यसमा ऋण र पैसा दुस्मन बन्छ, यस्तै कथाको वरीपरि फिल्मको घुमेको भान ट्रेलरले दिन्छ ।
फिल्मको ट्रेलरमा मुख्य कलाकार दयाहाङ राई, गौरव पहारी, मेनुका प्रधान, माओत्से गुरुङ फिचर छन् । यसअघि २ बर्ष पहिले हिट भएको गीत ‘साइँली’कै थीममा फिल्म तयार पारिएको छ । गीत हेमन्त रानाले गाएका थिए भने साइँला र साइँलीको भुमिकामा गौरव र मेनुका फिचर थिए ।
निर्देशक रामबाबुले आफुले यसअघि उठाउँदै आएको टिपिकलपना यो पटक पनि ‘साइँली’मा जोडेको बताए । ‘साइँली’ गीत उठान हुनु पहिलेको कथा वरीपरी फिल्म घुमेको उनको भनाइ थियो । निमेश श्रेष्ठको सम्पादन रहेको यो फिल्ममा छायाँकन शैलेन्द्र डी कार्कीको छ ।
