‘पुरानो बुलेट’ ट्रेलरः बर्षा र मालाको वरीपरी अनुपको प्रेम (भिडियो)
फिल्म ‘पुरानो बुलेट’को ट्रेलर रिलिज भएको छ । अनुपबिक्रम शाही स्टारर फिल्मको ट्रेलरमा त्रिकोणात्मक प्रेम जोडिएको छ । प्रेम, रोदन, कमेडी र सस्पेन्स बोल्ने ट्रेलरमा अभिनेत्री द्वय बर्षा शिवाकोटी र माला लिम्बुको प्रेम वरीपरी अनुप छन् ।
भीषण राईको निर्देशनमा बनेको फिल्म आगामी चैत्र १ बाट प्रदर्शनको लागी तयार छ । यो सोसियल ड्रामाको ट्रेलर पुर्णतः कमर्सियल लाग्छ । पछिल्लो क्रममा भिलेन टर्न हिरोको उपमा पाएका अनुपले ‘पुरानो बुलेट’सम्म आइपुग्दा आफुलाई केहि भिन्न देखाउने प्रयास गरेका छन् । यो फिल्ममा उनको क्यारेक्टर सामान्य युवकको जस्तो ट्रेलरले बोल्छ ।
फिल्ममा अनुप, बर्षा र मालासँगै कृष्णभक्त महर्जन, कविता आले, शिव मुखिया, बरत लिम्बु, शिरोमणी दवाडी, बादल श्रेष्ठ, करण धिताल, अशोककुमार राई,टिकाराम राई र युडी गुप्ता अभिनयमा छन् । फिल्मको कथा र पटकथा लेखनमा कार्यकारी निर्माता समेत रहेका सन्तोष राईसँग निर्देशक भीषणले साझेदारी गरेका छन् ।
अर्जुन जिसिको सम्पादन रहेको फिल्मलाई अशोककुमार राई, टिकाराम राई, बिरेन साम्बा र दिपेन लिम्बुले निर्माण गरेका हुन् । श्रीराम बालाजी फिल्मले ‘पुरानो बुलेट’लाई वितरणको जिम्मा लिएको छ । हरी घले लामाले फिल्मको क्यामेरा चलाएका छन् ।
