पर्दामा बुलबुल: स्वस्तिमालाई स्टारडम प्रमाणित गर्ने अबसर
फ्राइडे रिलिज अन्तर्गत यो हप्ताको लागी पर्दामा ‘बुलबुल’ प्रदर्शनमा आएको छ । स्वस्तिमा खड्का फिल्मकी लिडिङ लेडी हुन् । यो फिल्मसँग जोडिएको चर्चाको र चिनिएको नाम भनेकै स्वस्तिमा हो ।
फिल्मको यसअघि सार्वजनिक टिजर, ट्रेलर तथा गीतले लोकप्रियता कमाइसकेको छ । फिल्मका सार्वजनिक प्रचार सामाग्रीमा जोडिएका टिपिकल नेपाली लाग्ने डायलगहरुले राम्रो चर्चा पनि कमाए, फिल्मलाई एक सर्कलमा अवेटेड पनि बनाए ।
यो बीचमा प्रदर्शनमा आएको फिल्मको अग्रिम बुकिङ भने बिहिबारसाँझ सम्म सुखद देखिएन । यो फिल्म अन्य ठुला विदेशी रिलिज ‘गल्ली ब्वाइ’ र ‘अलिटा’को चेपुवामा पर्ने डरका बीच शुक्रबारको ओपनिङ भने केहि सुखदको अपेक्षा छ ।
विनोद पौडेल निर्देशित फिल्मलाई स्वस्तिमाको स्टारडम प्रमाणित गर्ने अबसरको रुपमा पनि लिइएको छ । ‘बुलबुल’ स्वस्तिमाको सोलो भुमिका रहेको फिल्म हो । म्युजिक भिडियोमा तथा सामाजिक सञ्जालमा हिट स्वस्तिमा अभिनयमा अब्बल मानिन्छिन् । अन्य धेरै नामसँग जोडिँदा स्वस्तिमा हिट होलिन् तर उनले एक्लै हाँकेको गाडी भनेको ‘बुलबुल’ नै हो । त्यसैले पनि यो फिल्मको सफलता र असफलताले उनको खास स्टारडम र फलोअर्स के छ भन्ने पनि प्रमाणित गर्नेछ । तर स्वस्तिमाको अभिनयमा खोट लगाउने ठाउँ र स्कृप्ट अनि स्कृनप्ले अब्बल देखियो भने त्यसको क्रेडिट स्वस्तिमाले पाउने छैनन् ।
