पोस्टरमा हेर्नुहोस् प्रियंका र आयुष्मानको ‘प्रेम दिवस’

आज फेब्रुअरी १४ अर्थात भ्यालेन्टाइन डे, नेपालीमा प्रेम दिवस । प्रेमिल जोडीहरु, प्रेम गर्नेहरु विभिन्न बहानामा यो दिन सेलिब्रेट गरिरहेका छन् । यो बीचमा ‘प्रेम दिवस’कै नाममा बनेको एक फिल्मले भने यहि छेकोमा पोस्टर रिलिज गरेको छ ।

आयुष्मान देशराज जोशी र प्रियंका कार्की स्टारर यो फिल्मको सार्वजनिक पोस्टरमा यी दुईलाई रोमान्टिक अबतारमा प्रस्तुत गरिएको छ । फिल्म भने आगामी जेठ ३ गते (१७ मे) बाट दर्शकमाझ आउनेछ ।

योगेश घिमिरेको निर्देशनमा बनेको फिल्म ‘प्रेम दिवस’मा विशाल खरेल, हेमन्त बुढाथोकी, शंकर रिजाल, उत्तम केसी, सञ्जय न्यौपाने, श्रीकृष्ण लुइँटेल लगायत लिड अभिनयमा छन् । मानकृष्ण महर्जनको छायाँकनमा बनेको फिल्मको कथा प्रदिप भारद्वाजको हो ।