बिपिनले लिए ‘गोपी’ असफलताको जिम्मा
दुई हप्ता पहिले प्रदर्शनमा आएको फिल्म ‘गोपी’ले रिलिजपुर्व सामाजिक सञ्जाल तथा मिडियाहरुमा ठुलो स्थान पायो । ब्यापक प्रचार प्रसारपछि फिल्मलाई आशातित नजरबाट हेरिएको थियो । बिडम्वना फिल्मले व्यापारिक साफलता हात पार्न सकेन ।
यतिबेला फिल्म सफल हुन नसक्नुको पछाडीका अनेकन कारणहरुले मिडियामा तथा सामाजिक सञ्जालमा स्थान पाइरहेका छन् । यो बीचमा उक्त फिल्मका लिड अभिनेता बिपिन कार्कीले फिल्म असफलताको जिम्मेवारी लिएका छन् ।
राजधानीमा सोमबार आयोजित एक कार्यक्रममा सञ्चारकर्मीको प्रश्नको जवाफ फर्काउँदै बिपिनले भने, ‘ म अवश्यपनि जिम्मेबारी लिन्छु, कुनै पनि फिल्ममा काम गरेपछि सफल हुँदा मैले काम गरेको थिएँ र असफल हुँदा मेरो काम होइन त्यो कहिल्यै पनि भन्दिनँ ।’
‘गोपी’को असफलताले दुःखी बनाइको बिपिनको भनाइ थियो । दिपेन्द्र लामाको निर्देशनमा बनेको ‘गोपी’मा बिपिनसँगै बर्षा राउत, सुरक्षा पन्त लिड अभिनयमा छन् ।
