सलिनमान स्टारर यात्राः अफिसियल गीत रिलिज (भिडियो)

उदयिमान स्टारको उपमा पाएका अभिनेता सलिनमान बनियाँ स्टारर फिल्म ‘यात्रा’को पहिलो गीत युट्युव रिलिज गरिएको छ । सार्वजनिक ‘जर्नी सङ्गमा सलिनसँगै मुख्य पाँच कलाकार फिचर छन् । फिल्मको यसअघि सार्वजनिक टिजरले राम्रो लोकप्रियता पाएको थियो ।

‘पञ्च पन्छी’ बोलको गीतमा शब्द तथा संगीत प्रतिक पौडेलको छ । स्वर मेलिना राई, धर्मेन्द्र सेवान, प्रेक्षा बज्राचार्य र उपकार पौडेलले भरेका छन् । प्रविण सिंहको कोरियोग्राफी र सुजिल कर्माचार्यको एरेञ्जमा गीत तयार भएको हो ।

सम्राट शाक्यको निर्देशनमा बनेको फिल्ममा सलिनमानसँगै मालिका महत, सलोन बस्नेत, रिएर राई, प्रेक्षा बज्राचार्य, विशाल कटुवाल, प्रकाश अधिकारी, धिरेन शाक्य, राजाराम पौडेल लिड अभिनयमा छन् । केशव भट्टराई, सुशिल पोखरेल र चिजकुमार श्रेष्ठ निर्मातामा छन् ।

बनिष शाहको सम्पादन रहेको यो फिल्मलाई सञ्जय लामाले खिचेका छन् । फिल्ममा कथा र पटकथा निर्देशक शाक्यको नै छ ।