‘क्याप्टेन’ प्रचारलाई नेपालगञ्जमा अनमोल
आगामी फागुन १७ गतेबाट रिलिज हुने फिल्म ‘क्याप्टेन’को मोफसल प्रचारका लागी अनमोल केसी यतिबेला नेपालगञ्ज पुगेका छन् । नेपालगञ्जमा आयोजीत प्रथम प्रादेशीक औद्योगिक लघु, घरेलु तथा कृर्षि, प्रविधि, व्यापार एंव पर्यटक महोत्सव २०७५ खजुराका दर्शकमाझ अनमोल सहित क्याप्टेन निर्माण टिम पुगेको थियो ।
महोत्सवमा अभिनेता केसी आउने तय भएसँगै दर्शकले उनलाई महोत्सव स्थलमा लामो समयदेखि पर्खेर बसेका थिए । लामो प्रतिक्षा पश्चात अनमोललाई मञ्चमा पाएसँगै दर्शकले ताली, हुटिङले पुरै खजुराको माहोल तातेको थियो ।
महोत्सवको मञ्चमा अभिनेता केसी र दर्शकविच रिलिजको तयारीमा रहेको फिल्म क्याप्टेनका विषयमा सवाल जवाफ समेत भएको थियो । योसँगै दर्शकमाझ उनले क्याप्टेनमा समावेश हिट गीत ‘रहर छ सँगै’ का केही स्टेप नृत्य गरेर पनि देखाए ।
दिवाकर भट्टराईको निर्देशन रहेको फिल्ममा अनमोलसँगै उपासना सिंह ठकुरी, प्रियंका एमफी, विल्सन बिक्रम राई, सुनिल थापा, प्रशान्त ताम्राकार लगायत लिड अभिनयमा छन् । भुवन केसी निर्माता हुन् ।
