अनमोल स्टारर ‘ए मेरो हजुर ३’ टिजर रिलिज (भिडियो)

अनमोल केसी स्टारर फिल्म ‘ए मेरो हजुर ३’को टिजर रिलिज भएको छ । १ मिनेट १३ सेकेण्ड लामो टिजरलाई सांगितिक बनाइएको छ । अनमोलसँगै डेब्यू गर्ल सुहाना थापा फिचर छन् ।

सुहाना अभिनेत्री टर्न निर्देशक झरना थापाकी छोरी हुन् । झरनाको निर्देशनमा बनेको यो फिल्म यहि बर्षान्त अर्थात नयाँ बर्ष २०७६ को छेकोमा प्रदर्शनमा आउँदैछ । रिलिज हुने नहुने अन्यौलताका बाबजुत यहि हप्ता मात्रै फिल्म तोकिएको मिति मै प्रदर्शनमा आउने पक्का भएको थियो ।

फिल्ममा अनमोल र सुहानासँगै अर्पण थापा, सलोन बस्नेत, रविन्द्र झा, रुपा घिसिङ, रक्षा गौतम लगायत लिड अभिनयमा छन् । फिल्मको कथा झरनासँगै सुमन पौडेलको हो । सांगितिक प्रेमकथा बोल्ने फिल्मका निर्माता सुनिलकुमार थापा हुन् । यो फिल्ममा छायाँकन सञ्जय लामाको तथा सम्पादन दिर्घ खड्काको छ ।