‘क्याप्टेन’मा भुवन र अनमोलसँग निरुताको ठुम्का !
यतिबेला अनमोल केसी स्टारर फिल्म ‘क्याप्टेन’को ट्रेलर सामाजिक सञ्जाल तथा मिडियाहरुमा चर्चामा छ । रिलिजको केहि दिनमा नै किर्तिमानी भ्यूज पाएको ट्रेलरले माहोल गर्माउँदै गर्दा निर्माण टिम भने गीत छायाँकनमा जुटेको छ । हालै छायाँकन भइरहेको ‘कर्ली कर्ली’ बोलको गीतमा अनमोलसँगै उनका पीता तथा निर्माता भुवन केसीले पुरानी अभिनेत्री निरुता सिंहसँग कमम्र मर्काएका छन् ।
ललितपुरको एक पार्टी प्यालेसमा छायाँकन भएको गीतमा उल्लेखित तीन कलाकारलाई नचाउँदै छिन् कोरियोग्राफर रेनशा वान्तवा राईले । निरुता यो गीतको छायाँकनकै लागी अघिल्लो साता भारतबाट नेपाल आएकी थिइन् ।
मेलिना राई र एसडी योगीको आवाजमा तयार गीतमा केसी बाबुछोरा र निरुताले कम्मर मर्काएका हुन् । उक्त गीतमा एसडी योगीकै शब्द तथा संगीत पनि छ । रेनशा भन्दै थिइन्–‘गीत निकै नै मिठो छ सोहि अनुसारको नृत्यमा दर्शकले केही नयाँ स्वाद पाउनुहुनेछ ।’
यता, छोरा अनमोल केसीसँग पर्दामा देखिन लागेको भूवन केसी कहिलेकाही छोरातिर हेर्दै भन्थे–‘मैले नाचेपछि अनमोल नर्भस देखिन थाल्यो ।’ भूवनले यसो भन्दा अनमोल मुसुक्क हाँस्थे मात्र, दृश्य त्यस्तै देखिन्थ्यो ।
फागूण १७ गतेबाट रिलिज हुन लागेको यो फिल्ममा अनमोल केसीको साथमा उपासना सिंह ठकुरी, प्रियंका एमभी, सुनिल थापा, प्रशान्त ताम्राकार, विल्सन विक्रम राई मुख्य भूमिकामा छन् । दिवाकर भट्टराइको निर्देशनमा तयार भएको फिल्ममा सुदिप बरालको छायांकन छ ।
छायाँकनरत गीतको बिषयमा निर्माता समेत रहेका भूवनले भने–‘इशान नाम गरेको पात्रले खेल जितिसकेपछि सेलिव्रेशनको क्रममा यो गीत पर्दामा आउनेछ । दर्शकका लागि अनमोल, म र निरुताको जोडी वेग्लै स्वाद हुने विश्वास लिएको छु ।’
