ट्रेलरमा हेर्नुहोस अनमोल स्टारर ‘क्याप्टेन’ (भिडियो)

अनमोल केसी स्टारर फिल्म ‘क्याप्टेन’को ट्रेलर रिलिज भएको छ । राजधानीमा आयोजित एक कार्यक्रमका बीच निर्माण टिमले मिडियाकर्मी तथा फिल्मकर्मीमाझ ट्रेलर रिलिज गर्यो ।

ट्रेलरमा फुटबलर बन्न एक युवकले गर्नुपरेको पीडा, संघर्ष तथा उसको जीवनमा आउने उतार चढाव बीचको सेन्टिमेन्ट जोडिएको छ । अनमोलसँगै लिड अभिनेत्री उपासना सिंह ठकुरी अभिनेता सुनिल थापा, सरोज खनाल, विल्सन विक्रम राई लगायत फिचर छन् ।

दिवाकर भट्टराईको निर्देशन र भुवन केसीको निर्माणमा तयार भएको फिल्म आगामी फागुन १७ बाट प्रदर्शनमा आउँदैछ । फिल्मलाई दिर्घ खड्काले सम्पादन तथा सुदिप बरालले छायाँकन गरेका छन् । शाहिल खानले ट्रेलर काटेका हुन् । जीया केसी फिल्मकी सह- निर्माता हुन् ।