‘सम्हालिन्छ कहिले मन’ घोषणा, पूजाको प्राथमिकतामा सोनम !
सुदर्शन थापाको निर्देशनमा तयार हुने फिल्म ‘सम्हालिन्छ कहिले मन’को औपचारिक निर्माण घोषणा भएको छ । राजधानीमा आइतबार आयोजित एक कार्यक्रमकाबीच फिल्मको कास्ट एण्ड क्रियू पनि सार्वजनिक गरियो ।
त्रिकोणात्मक प्रेमकथामा निर्माण हुने फिल्मको कथा महेश दवाडीले लेखेका छन् । फिल्ममा पूजा शर्मा, आकाश श्रेष्ठ, सोनम लोप्तेन लिड अभिनयमा रहनेछन् । भने साथमा सरोज खनाल, गौरी मल्ल र धिरेन शाक्यको अभिनयमा पनि समेटिने छ ।
कार्यक्रममा हर्षित मुद्रामा देखिएकी अभिनेत्री पूजाले आफुले हरेक फिल्ममा अभिनेता रोजेको आरोप खेप्दै आएको र त्यो सत्य नभएको दाबी गर्दै यो पटक भने सोनमलाई लिड अभिनेतामा आफुले नै रोजेको खुलाइन् । सोनम र आकाशले राम्रो टिमसँग जोडिन पाउनु खुशीको कुरा भन्दै उत्कृष्ट फिल्म बन्नेमा आशा प्रकट गरे ।
आकाश र पूजा एकसाथ रहन लागेको यो दोश्रो पटक हो । यसअघि ‘रामकहानी’मा पनि यो जोडी एकसाथ देखिएको थियो । ‘सम्हालिन्छ कहिले मन’लाई सौरभ लामाले छायाँकन गर्नेछन् भने अर्जुन पोखरेल, ताराप्रकाश लिम्बु र सुगम पोखरेलले संगीत भर्नेछन् ।
फेब्रुअरी पहिलो साताबाट फ्लोरमा जाने फिल्मको छायाँकन युकेमा हुनेछ । फिल्ममा कोरियोग्राफी कबिराज गहतराजको रहनेछ भने सम्पादन अर्जुन जिसी र बनिष शाहको रहनेछ । अमित बस्नेत निर्माता रहँदा परी राना र अजितकुमार थापा सह–निर्माताको रुपमा छन् भने यो फिल्मको कार्यकारी निर्मातामा सनिष खकुरेल छन् ।
तश्विर / भिडियोः गणेश बस्याल
