विराजको ‘साङ्लो’मा पुर्व मिस नेपाल नीकिता फाइनल

अभिनेता विराज भट्टको डेब्यू निर्देशनमा बन्न लागेको फिल्म ‘साङ्लो’को लिड अभिनेत्रीमा पुर्व मिस नेपाल नीकिता चन्दक फाइनल भएकी छिन् । हालै निर्माण टिम र नीकिताबीच सम्झौता भएको छ ।

फिल्मको मुख्य अभिनेतामा विराज नै रहनेछन् । भट्टले आफ्नो फिल्ममा हिरो र हिरोइनको एकै प्रकारको र समान भुमिका रहने बताएका छन् । चैत्रको पहिलो साताबाट फिल्म फ्लोरमा जानेछ ।

फिल्मको कथाले भित्र बोल्ड, कन्फिडेन्ट, ड्यासिङ भूमिकाको अभिनेत्रीको माग गरेको र त्यो सबै नीकितामा पाएको भन्दै उनलाई आफ्नो टिममा भित्र्याएको भट्टले बताएका छन् । नीकिताले यसअघि ‘रानीमहल’ फिल्ममा काम गरेकी छिन् तर फिल्मको आधा छायाँकनपछि निर्माण टिममा उत्पन्न लफडाले काम नै रोकिएको छ ।