‘प्रेम दिवस’मा रोमान्टिक प्रियंका (भिडियो)

फिल्म ‘प्रेम दिवस’को पहिलो गीत रिलिज गरिएको छ । सार्वजनिक ‘तिम्रो छेउ सरुँ कि म’ बोलको गीतमा अभिनेत्री प्रियंका कार्की रोमान्टिक अबतारमा प्रस्तुत छिन् ।

फिल्ममा प्रियंकाले आफ्नै प्रेमी आयुष्मान देशराज जोशीसँग जोडी बाँधेकी छिन् । सार्वजनिक गीतमा स्वर अञ्जु पन्तको छ भने संगीत तथा शब्द महाराज थापाको छ । कोरियोग्राफी कबिराज गहतराजले गरेका छन् ।

योगेश घिमिरेको निर्देशनमा बनेको फिल्मको कथा प्रदिप भारद्वाजको हो । प्रियंका र आयुष्मानसँगै हेमन्त बुढाथोकी, शिवशंकर रिजाल, विशाल खरेल, सञ्जय न्यौपाने, उत्तम केसी लगायत लिड रोलमा छन् । यो फिल्म आगामी जेठ ३ मा रिलिज हुँदैछ ।

https://youtu.be/2w5QBr741PA