पिरतीको मिठो तिर्सना: पल र नाजिर कोसँग जम्यो बर्षाको केमेष्ट्रि ? (भिडियो)
यसअघि ‘देवता’ फिल्ममा समावेश चर्चित अनि हिट गीत ‘पिरतीको मिठो तिर्सना’लाई फिल्म ‘बीर बिक्रम २’ले रिमेक गरेको छ । उक्त गीतलाई नयाँ भर्सनमा ढाल्दै फिल्म टिमले भिडियो पनि रिलिज गर्यो ।
राजधानीमा आयोजित एक कार्यक्रमका बीच ‘बीर बिक्रम २’ टिमले ताराप्रकाश लिम्बु र मेलिना राईको स्वरमा आफ्नो गीत बाहिर ल्याएको हो । गीतको नयाँ भर्सनमा संगीत एरेञ्ज पनि ताराले नै गरेका छन् । ओरिजिनल गीतमा संगीत रञ्जित गजमेरको छ । गीतको ओरिजिनल भर्सनमा स्वर भने इन्द्रजित मिजार र भारति घिमिरेले भरेका थिए ।
गीतका शब्द कुसुम गजमेर र तुलसी घिमिरेका हुन् । सार्वजनिक गीतमा अभिनेता पल शाह र नाजिर हुसैनलाई अभिनेत्री बर्षा शिवाकोटीसँग देख्न सकिन्छ । मुस्ताङका रमणित दृश्यहरु भिडियोमा समावेश गरिएको छ । निर्देशक कविराज गहतराजको रहँदा सुदिप बरालको छायाँकन छ ।
‘बीर बिक्रम २’लाई मिलन चाम्सले निर्देशन गरेका छन् । फिल्ममा उल्लेखित कलाकारसँगै बुद्धि तामाङ, देशभक्त खनाल, बिनिषा भण्डारी, विनोद सुवेदी खत्री, मनिष लिम्बु लगायत लिड अभिनयमा छन् ।\
