अर्पणको ‘घर’मा सुरक्षाको इन्ट्रि !
फिल्म ‘घर’को गत हप्ता राजधानीमा निर्माण घोषणा गरियो । निर्माण टिमले लिड अभिनेता समेत रहनेगरी निर्देशनको जिम्मा अर्पण थापालाई सुम्पिँदा अभिनेत्रीको खोजी भइरहेको बताएको थियो ।
अब भने यो फिल्ममा लिड अभिनेत्री तय भएकी छिन् । निर्देशक टर्न निर्माता दिपेन्द्र के खनालले अभिनेत्री सुरक्षा पन्त ‘घर’ टिममा भित्रिएको खुलाएका छन् । सामाजिक सञ्जालमा स्टाटस लेख्दै खनाल जोड्छन्, ‘घरको परिवार पुरा हुँदै ।’
फिल्म फागुनबाट फ्लोरमा जाने बताइएको छ । दिपेन्द्रसँगै सुरज पाण्डेको निर्माणमा बन्ने फिल्ममा शर्मिला पाण्डे प्रस्तुतकर्ता छिन् । ‘हरर’ जनरामा फिल्म बन्नेछ ।
