रणवीरपछि अब वरुणसँग सारा !
एक महिनाकै अन्तरमा लगातार दुई फिल्म आउँदा दुबैबाट तहल्का मच्चाएकी बलिउड गर्ल हुन् सारा अलि खान । ‘केदारनाथ’ र ‘सिम्बा’ दुबै फिल्ममा उनको प्रस्तुतीलाई लिएर धेरैले उनलाई उदयिमान अभिनेत्रीको ट्याग पनि दिएका छन् ।
यी स्टार किडले सुरुवाती फिल्ममा नै नामुद स्टारसँग काम गर्न पाउनु पनि उनको करियरलाई उँचो दिने आधार बन्यो । सुशान्त सिंह राजपुत र रणवीर सिंहसँग काम गरिसक्दा अब भने उनको टिमअप अर्का स्टार वरुण धवनसँग भएको खबर छ ।
वेभदुनियाले लेखेको समाचारलाई आधार मान्दा रेमो डेसुजाको फिल्म ‘एबिसिडी ३’ मा वरुणको साथमा सारा कास्ट भएकी छिन् । यो फिल्ममा यसअघि कट्रिना कैफ अनुबन्धित थिएन् तर ‘भारत’ को सुटिङको कारण उनको समय नमिल्दा श्रद्धा कपुर, ज्याक्लिन, कृति सेनन लगायतको नाम अघि आएको थियो । अब भने सारा र वरुणले जोडी बाँध्ने पक्कापक्की बएको बताइएको छ ।
जनवरी २२ बाट फ्लोरमा जाने फिल्मको प्रदर्शन मिति आगामी नोभेम्बर ८ लाई तोकिएको छ ।
