मनोज गजुरेल र करुणाको डेब्यूः ट्रेलरमा हेर्नुहोस् ‘सय कडा दश’ (भिडियो)
चर्चित कमेडियन मनोज गजुरेलको डेब्यू अभिनय समावेश फिल्म ‘सय कडा दश’को ट्रेलर रिलिज भएको छ । निर्माण टिमले आइतबार राजधानीमा आयोजित एक कार्यक्रमकाबीच फिल्मको ट्रेलर रिलिज गर्यो । यो फिल्म बाट नेपाली रजतपटमा अभिनेत्रीको ट्यागको लागी करुणा श्रेष्ठले डेब्यू गर्दैछिन् ।
रामशरण पाठकको निर्देशनमा बनेको फिल्मलाई रज्जु प्रधान, उत्तम खत्री, डि आर उपाध्याय र सञ्जिव न्यौपानेले निर्माण गरेका हुन् भने उल्लेखित नामसँगै कलाकार राजाराम पौडेल पनि यो फिल्ममा लगानीमा साझेदारी गर्दै निर्माणमा होमिएका छन् ।
फिल्ममा मनोज र करुणासँगै अमृत ढुङ्गाना, राजाराम पौडेल, उत्सव न्यौपाने, सोनिया राई, अमित पोखरेल, रवी डंगोल, रश्मी भट्ट, एनबी गुरुङ, प्रसिद्धा थापा लगायत अभिनयमा छन् ।
रामेश्वर कार्कीले छायाँकन गरेको फिल्ममा रज्जु प्रधानको कथा समावेश छ भने लेखन निर्देशक पाठकले नै गरेका छन् । संगीत कल्याण सिंह र जुगल डंगोलको छ । माघ १८ बाट यो फिल्म प्रदर्शनमा आउनेछ ।
