उछिन्यो ‘जिरो’लाईः जान्नुहोस् ‘सिम्बा’ पहिलो दिने कलेक्सन

रणवीर सिंह स्टारर फिल्म ‘सिम्बा’ले सुखद ओपनिङ गरेको छ । समिक्षक तथा दर्शक दुबैबाट उत्कृष्ट तारिफ भेटेको फिल्मले पहिलो दिनको कलेक्सनमा अघिल्लो हप्ता रिलिज किङ खान मानिने शाहरुख खानको फिल्म ‘जिरो’लाई उछिनेको छ ।

रणवीरसँगै सारा अलि खान लिड रोलमा रहेको फिल्मले पहिलो दिन २१ करोडको बिजनेस गरेको छ । बलिउड बक्सअफिसमा पछिल्लो क्रममा रिलिज फिल्म मध्ये यो नै सबैभन्दा ठुलो ओपनिङ हो । शाहरुखको ‘जिरो’ले पहिलो दिन २० करोड १४ लाखको मात्रै कलेक्सन गरेको थियो ।

रोहित सेट्ठीको निर्देशनमा बनेको फिल्मले २ सय करोडको माइलस्टोन पार गर्ने बलिउड पण्डितहरुले विश्लेषण गरिरहेका छन् । भारतमा मात्र नभइ यो फिल्मले विश्व फिल्म बजारमै आफुलाई दरिलो प्रमाणित गर्दै अघि बढेको छ ।