’जानी नजानी’ गीतमा बोल्ड सुमी र निरिशासँग मनिषको हिमचिम ! (भिडियो)

चैत्र १ गते रिलिज हुने फिल्म ’जानी नजानी’ को पहिलो गीत सार्वजनिक भएको छ । बिहिबार राजधानीमा आयोजित एक कार्यक्रमका बीच निर्माण टिमले डान्सिङ बीटको गीत रिलिज गर्यो । ‘एउटीलाई मुटुमा घर’ बोलको गीतमा संगीत अर्जुन पोखरेलको छ ।

अम्बिका शर्माको शब्द समावेश उक्त गीतमा अर्जुन पोखरेलसँगै दुर्गा खरेलको स्वर सुन्न सकिन्छ । मनिष श्रेष्ठ र सुमी मोक्तान फिचर्ड भिडियोमा कविराज गहतराजको कोरियोग्राफी छ भने भिडियोको अन्त्यमा डेब्यू गर्ल निरिशा बस्नेतलाई पनि देख्न सकिन्छ ।

बसन्त अधिकारीको निर्देशनमा बनेको फिल्ममा मनिष र निरिशासँगै सन्नी सिंह, नम्रता श्रेष्ठ प्रकाश अधिकारी, कृष्ण भक्त महर्जन, रोशनी केसी लगायतको अभिनय रहेको छ । आधुनिक प्रेम कथामा आधारित भनिएको फिल्ममा कथा, पटकथा र संवाद सामिप्यराज तिमिल्सेनाको रहेको छ।

‘रोशनी इन्टरटेन्मेनट’को ब्यानरमा निर्मित फिल्मकी प्रस्तुतकर्ता रोशनी केसी हुन्। फिल्म ‘जानी नजानी’मा मोदनाथ खनाल र सागर काजी मालीको निर्माण रहेको छ। अर्जुन जिसीको सम्पादन रहेको फिल्मलाई सञ्जय लामाले छायाँकन गरेका छन् ।

https://youtu.be/ZmWJ7aCKmZ0