ट्रेलरसँगै ‘रुमालै छ चिनो’ रिलिज तय

फिल्म ‘रुमालै छ चिनो’ आगामी माघ १० गतेबाट प्रदर्शनमा आउने भएको छ । निर्माण टिमले सोमबार राजधानीमा एक कार्यक्रम आयोजना गर्दै फिल्मको रिलिज मात्रै घोषणा गरेन ट्रेलर पनि रिलिज गर्यो ।

सुशान्त कार्की , अप्सना थापा, किशोर खतिवडा, सञ्चिता लुइँटेल, सुरवीर पण्डीत, रश्मी भट्ट, मिथिला शर्मा लगायतका कलाकारहरुको अभिनय रहेको फिल्मलाई दिनेशसिंह ठकुरीले निर्देशन गरेका छन् ।

एक समयको निकै हिट लोकगीत ‘रुमालै छ चिनो’ बाट नाम सापटी लिएर गीतकार रेशम थापाले यसलाई निर्माण गरेका हुन् । फिल्ममा गोर्खाली सैनिकको विरताको कथा देखाइएको छ । ज्योती फिल्मस् को ब्यानरमा बनेको फिल्ममा चन्द्र बहादुर खड्का, दिपक ढकाल र राम पाण्डेको लगानी छ ।