‘आप्पा’मा दयाहाङको हावा सरर…

फिल्म ‘आप्पा’को गीत रिलिज भएको छ । ‘हावा सरर…’ बोलको गीतमा लिड अभिनेता दयाहाङ राईसँगै अन्य कलाकार फिचर छन् । ‘जर्नी भिडियो’ जोडिएको गीतमा देशको हिमाली भेग बोल्ने मनोरम दृश्यहरु समावेश छन् ।

गीतमा स्वर थुप्डेन भुटिया र स्नेहाश्री थापाको छ भने संगीत सैकात देभको छ । कोरियोग्राफी योजना प्रधानले गरेका छन् । अनमोल गुरुङको निर्देशनमा तयार फिल्मलाई रुदेन सादा लेप्चाले निर्माण गरेका हुन् ।

दयाहाङसँगै सिद्धार्थ तामाङ, अल्लोना लेप्चा, अरुणा कार्की, तुलसी घिमिरे लिड अभिनयमा रहेको फिल्म माउन्टेन स्टोरिज इन्टरटेन्मेन्टको ब्यानरमा निर्माण भएको हो ।