पुनः छायाँकनमा ‘नालापानी’
फिल्म ‘नालापानी’ केही थप दृश्यका लागि पुनः छायाँकनमा गएको छ । फिल्म अझ कसरी राम्रो बनाउने भन्ने हेतुले यसका केही दृश्य पुनः छायाँकन गरिएको निर्देशक रिमेश अधिकारीले बताए ।
फिल्मको केही समयअघि टिजर सार्वजनिक भएको थियो । भीएफएक्स प्रयोग भएको टिजरमा मेकिङ लोभलाग्दो देखिन्थ्यो भने ब्याकग्राउन्ड स्कोर उस्तै उम्दा रहेको थियो ।
सन् १८१४ मा देहरादुनस्थित नालापानी गढीमा भएको अङ्ग्रेज नेपाल युद्धमा नेपाली फौजका तर्फबाट कप्तानी गरेका वीर बलभद्र कुँवरले लडेको ऐतिहासिक लडाइँलाई आधार बनाएर यो फिल्म निर्माण भएको छ ।
फिल्ममा देव गुरुङ, देशभक्त खनाल, अर्जुनजंग शाही, सन्तोष पन्त, मनोज शाक्य, विशाल पहारी, विजय विष्फोट, पुजना प्रधान, गीता अधिकारी, महावीर विश्वकर्मा, ईशान बिजु श्रेष्ठ, हिक्मत थपलिया, जनक बर्तौला, विशाल श्रेष्ठ, गीता विष्ट, प्रनिश शाक्य, सरिता राजोपाध्याय, लक्ष्मीनाथ तिमिल्सिना, सुष्मा भट्टराईलगायतका कलाकारहरुको अभिनय रहेको छ ।
पद्माकुमारी फिल्मस प्रा.लि. र गंगानारायण फिल्मस् प्रालिको संयुक्त व्यानरमा बनेको यसफिल्ममा मनोज शाक्य निर्माताको रुपमा रहेका छन्। रिमेश अधिकारी निर्देशितफिल्मको लेखन रिमेश अधिकारी र कृष्ण आचार्यले गरेका हुन् ।
